当前位置: 主页 > 慢生活 >【自助餐放蛇起底组】高分!亚洲50最佳餐厅 $238泰式半 >
【自助餐放蛇起底组】高分!亚洲50最佳餐厅 $238泰式半
2020-06-13

平时见我哋放蛇专员係咁食自助餐,你哋係咪心郁郁想食埋一份呢?今次我哋请到两位《新假期》民间食神 (其实係本刊忠实读者) 同我哋一齐放蛇,目标係亚洲50最佳餐厅嘅泰菜餐厅 Issaya!呢间位于铜锣湾的餐厅,平日叫个 Main course 已经已要$2xx,最近竟然全球首次推出$238起嘅半自助餐,价钱包一个主菜,前菜和甜品可以无限任食,食足3个钟,究竟质素如何?立即交俾食神品评下!去片!

头盘甜品任食 主菜6选1

半自助午餐由12点开始,可以慢慢歎到3点,头盘同甜品可以出去自助餐枱任拎,而主菜就6选1,价钱由$238-$350,视乎主菜而定。一坐低,店员就送咗一杯餐前饮品,可以拣荔枝乌龙茶或芒果黑茶,食神试咗荔枝乌龙茶,好够荔枝味,不过就甜咗少少,最好再茶入面嘅冰融咗少少,沟淡少少饮会好啲。

【自助餐放蛇起底组】高分!亚洲50最佳餐厅  $238泰式半
送一杯餐前饮品,可以拣荔枝乌龙茶或芒果黑茶。
【自助餐放蛇起底组】高分!亚洲50最佳餐厅  $238泰式半
食神黎先生话荔枝乌龙茶甜咗啲,等啲冰融咗少少,淡味啲会更好。

首先睇下头盘,头盘好多都係沙律,不过款式都几多,唔係一味食菜,有香蕉花伴棕榈芯沙律、青木瓜海鲜沙律同泰式酸汁三文鱼沙律,仲有香辣醋汁牛柳、脆香辣汁海虾,另外有自家製泰式海鲜汤同磨菇汤。

【自助餐放蛇起底组】高分!亚洲50最佳餐厅  $238泰式半
Open kitchen变咗做自助餐枱,头盘甜品都可以係出面任拎。
【自助餐放蛇起底组】高分!亚洲50最佳餐厅  $238泰式半
食神林小姐就试咗香蕉花伴棕榈芯沙律,佢就话口感有啲硬,而且柚子有啲苦,唔太啱食!
【自助餐放蛇起底组】高分!亚洲50最佳餐厅  $238泰式半
嚟个close up,柚子都落咗好多喎!
【自助餐放蛇起底组】高分!亚洲50最佳餐厅  $238泰式半
青木瓜海鲜沙律好多虾!如果你想食辣啲嘅可以问店员拎辣椒。
【自助餐放蛇起底组】高分!亚洲50最佳餐厅  $238泰式半
脆香辣汁海虾~食神黎先生话个虾有啲乾,记住要蘸多啲汁。
【自助餐放蛇起底组】高分!亚洲50最佳餐厅  $238泰式半
泰式酸汁三文鱼沙律,食落好似泰式生虾Style,三文鱼好新鲜,劲fresh,一定要食!
【自助餐放蛇起底组】高分!亚洲50最佳餐厅  $238泰式半
香辣醋汁牛柳~食神黎先生话牛柳加青瓜好fresh,都唔错!
【自助餐放蛇起底组】高分!亚洲50最佳餐厅  $238泰式半
自家製泰式磨菇汤食神们都话唔够热,但真係好足料,同埋味道可以再重手啲,浓味少少就好啦
【自助餐放蛇起底组】高分!亚洲50最佳餐厅  $238泰式半
海鲜汤都一样咁足料。
【自助餐放蛇起底组】高分!亚洲50最佳餐厅  $238泰式半
前菜大致上都唔错,有少少瑕疵,但整体食神都好满意嘅。

6选1主菜 带子/牛面颊肉有惊喜

埋单几钱呢?其实就睇主菜而定嘅,咁6选1主菜有咩食呢?分别有3个价钱选择嘅,$238有蜜汁香煎带子配猪腩肉/泰南黄咖喱鸡/黄咖喱杂菜锅,$288有慢煮澳洲炖牛面颊肉/胡椒香草大虎虾,$350有椰香蒸焗龙虾,而每一客主菜都跟一份清迈蘑菇五穀饭,够埋饱肚啦。

【自助餐放蛇起底组】高分!亚洲50最佳餐厅  $238泰式半
食神林小姐试咗蜜汁香煎带子配猪腩肉,佢大讚带子煎得好香,猪腩肉虽然有啲少,但非常浓味!两者非常夹!
【自助餐放蛇起底组】高分!亚洲50最佳餐厅  $238泰式半
小编试嘅係慢煮澳洲炖牛面颊肉,食落肉质好鬆软,虽然略欠牛味,但酱汁搭救,好重椰酱味!
【自助餐放蛇起底组】高分!亚洲50最佳餐厅  $238泰式半
食神黎先生试咗椰香蒸焗龙虾,佢话卖相一流,食落好鲜!
【自助餐放蛇起底组】高分!亚洲50最佳餐厅  $238泰式半
调味鹹咗少少,但龙虾入面有啲椰菜,记住连埋一齐食,balance返个味都唔错.
【自助餐放蛇起底组】高分!亚洲50最佳餐厅  $238泰式半
清迈蘑菇五穀饭非常足料,多豆多菇,口感丰富。

6款甜品任食 食神好评俾高分

甜品有6款,有烟燻椰青芝士蛋糕、茉莉花奶冻、桑莓朱古力软芝士蛋糕、桑梅杏仁蛋糕、泰式马卡龙同自家製雪糕,另外仲有4款水果。

泰式马卡龙每日有一款味,放蛇个日係泰式奶茶味!劲罕见!食神黎先生话好够茶味,唔太甜,男仔食都唔觉太甜!可以啪多几粒!桑莓朱古力软芝士蛋糕造型好得意!好似O紧咀嘅甲虫,食落呢,味道酸酸甜甜,配埋曲奇饼底唔太腻。林小姐就试咗烟燻椰青芝士蛋糕,佢觉得芝士好浓味,但同个曲奇饼唔係好夹,而茉莉花奶冻第一啖个味道有啲怪,但食多几啖食真啲又几清新,同埋好滑!自家製雪糕当日係腰果味,有脆米、椰丝等配料自己加,食落腰果味好浓郁,够creamy!

【自助餐放蛇起底组】高分!亚洲50最佳餐厅  $238泰式半
甜品就算夹晒都有refill~
【自助餐放蛇起底组】高分!亚洲50最佳餐厅  $238泰式半
一日一款味道轮流登场,有鹹蛋、香蕉、桑莓等味道,放蛇个日係泰式奶茶味,少见!
【自助餐放蛇起底组】高分!亚洲50最佳餐厅  $238泰式半
泰式奶茶味马卡龙食落好够茶味,唔太甜,正!
【自助餐放蛇起底组】高分!亚洲50最佳餐厅  $238泰式半
桑莓朱古力软芝士蛋糕似只甲虫,食落酸酸甜甜,同埋曲奇饼底唔太腻。
【自助餐放蛇起底组】高分!亚洲50最佳餐厅  $238泰式半
「茉莉花奶冻好滑,第一啖个味道有啲怪,但食多几啖食又几清新!」
【自助餐放蛇起底组】高分!亚洲50最佳餐厅  $238泰式半
自家製雪糕係腰果味,腰果味劲浓郁,而且好creamy!
【自助餐放蛇起底组】高分!亚洲50最佳餐厅  $238泰式半
仲有4款水果!

总结:

即係咁,呢间亚洲50最佳餐厅平时剩食个主菜都$2xx啦,今次$238半自助午餐真係卖大包啰,3月仲要有额外85折优惠,好抵,真心好抵!!!选择呢,如果头盘甜品再多啲选择我会更满意,食落呢,八成嘢食都高水準嘅。服务好贴心,店员有问必答,我哋食神话好冻又肯帮佢熄冷气同俾披肩佢,加分!而且环境实在太舒服了,阔落得嚟又多梳化位,而且用晒落地玻璃窗,好开扬!所以今次小编同食神都俾极高分!复活节未谂去边食可以谂谂!

小编总分:8.5/10

食神黎先生: 「二个字,无得输!我俾9分!」

食神林小姐:「总括嚟讲样样都几好,自己俾钱都会返嚟食,我俾9分!」

【自助餐放蛇起底组】高分!亚洲50最佳餐厅  $238泰式半
环境好大好舒服,有好多梳化位,如果我日日有3粒钟可以过嚟hea就好啦!

【自助餐放蛇起底组】高分!亚洲50最佳餐厅  $238泰式半 【自助餐放蛇起底组】高分!亚洲50最佳餐厅  $238泰式半

IssayaSiamese Club Hong Kong

地址:铜锣湾登龙街1号金朝阳中心二期25楼全层(显示地图)

电话:2154 3048

半自助午餐供应时间: 星期一至日 12nn-3pm

收费: $238-$350 (视乎主菜选择而定)

用餐时间:3小时

备注:收加一,三月份可享八五折优惠

延伸阅读:

【自助餐放蛇起底组】Asahi+梅酒任饮! $188周末蒸锅刺身放题

【自助餐放蛇起底组】MK日式放题 3小时有铁板烧食


上一篇: 下一篇:

  • 相关新闻